Бүгін France-Presse (AFP) хабарлауынша, тайваньдық Foxconn тобы Чжэнчжоудағы iPhone зауытында көтеріліске шыққан жұмыскерлер алдында жалақы мөлшері үшін кешірім сұрады, деп жазады inbusiness.kz.
"Біздің команда бұл мәселені қарастырып, техникалық қателік кеткенін анықтады. Біз компьютерлік жүйеге дұрыс енгізілмеген сандық ақпарат үшін кешірім сұраймыз және нақты (ақшалай) өтемақы келісімде көрсетілгендей болатынына уәде береміз", - делінген хабарламада.
Ал Чжэнчжоу қаласында карантиндік шектеулер күшейе түсті, қала орталығының тұрғындарына бұдан былай теріс Covid-19 сынағынсыз және жергілікті биліктің рұқсатынсыз үйден шығуға рұқсат етілмейді.
Алдағы жұманың түн ортасынан бастап бес күнге созылатын шектеулер 6 миллионнан астам адамға немесе қала халқының жартысына қатысты болмақ.
