Бұл туралы Синьхуа АА Қытайдың сейсмологиялық желілер орталығына (CENC) сілтеме жасап хабарлайды, деп жазады inbusiness.kz.
Агенттік хабарлағандай, жер сілкінісі дүйсенбіде Бейжің уақыты бойынша 07.49-да басталды (Астана уақытымен 05.49). Жер дүмпіуінің орталығы Алаэр қаласынан 105 шақырым, Шая қаласынан 141 шақырым қашықтықта орналасқан.
Адам шығыны мен зардап шеккендер, сондай-ақ мүліктік залал туралы әлі хабарланған жоқ.
Оқиғадан кейін билік жер сілкінісі аймағына 15 көлік пен Ақсу округінің өрт сөндіру-құтқару қызметінің 70 құтқарушысын жіберді. Шая округінің өрт-құтқару қызметінің командасы тексеру жұмыстарына кірісті.
Жергілікті электр желілері, мұнай және газ өндіру нысандары, сондай-ақ негізгі мұнай-химия кәсіпорындары зардап шеккен жоқ.
