Қытай билігі ел аумағына енетін барлық шетелдіктің саусақ ізін жинауды бастамақшы. Бұл туралы ҚХР-дың қоғамдық қауіпсіздік министрлігі хабарлады, деп жазады Би-би-си.
Жаңа жүйе Шэньчжэнь қаласындағы халықаралық әуежайда сынақтан өткізіледі. Ол 10 ақпаннан бастап жұмыс істей бастайды.
Ол осы жылдың соңына дейін барлық шекаралық өткізу пунктерінде енгізіледі.
Саусақ ізін шетелдік дипломаттардан өзге, 14 пен 70 жас аралығындағы барлық шетел азаматы тапсыруға тиіс.
Қытай билігі саусақ ізін тапсыру кеңінен қолданылатын өзге елдердің тәжірибесіне сүйенгенін айтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
