Қытайға тасымалданатын газдың көлемі екі есе арттырылады. Бұл туралы энергетика вице-министрі Мағзұм Мырзағалиев айтты, деп хабарлайды Atameken Business.
Энергетика вице-министрі Мағзұм Мырзағалиевтің айтуынша, "Бейнеу-Шымкент" газ құбыры отандық көгілдір отынды Қытайға көптеп тасымалдауға мүмкіндік беріп отыр. Аталған құбырмен келетін шикізат "Түркіменстан-Өзбекстан-Қазақстан-Қытай" транзиттік газ құбырына құйылады. Осылайша, Батыс Қазақстандағы кен орындарынан шығатын табиғи газ Қытайға тасымалданып отырады.
Бүгінде Қытай нарығы жыл сайын 12,5 пайызға өсіп тұр. Мәселен, 2017-2018 жылдары біздің ел жылына 5 миллион текше метрден астам газды Қытайға жіберген. Өткен жылы аталған көрсеткішті жылына 10 миллион текше метрге дейін жеткізуге келіскен.
