Елдің ішкі бағыттарының өзі шамамен 640 миллион жолаушы тасымалдаған, деп жазады inbusiness.kz сайты caacnews.com агенттігіне сілтеме жасап.
Қытайдың азаматтық авиация саласын бақылау дерегі бойынша, ондағы әуе компаниялары 700 миллион 480 мыңнан астам жолаушыға қызмет көрсеткен. Ал орташа тәуліктік жолаушы тасымалы 2 миллионнан асып, бір жыл бұрынғыдан 18,1 пайызға артқан. Бұл 2019 жылмен салыстырғанда 10,7%-ға өскенін байқатады.
Аталған статистика – Қытайдың азаматтық авиациясының даму тарихындағы жаңа рекорд. Деректер 2024 жылы Қытайдың ішкі бағыттары шамамен 640 миллион жолаушы тасымалғанынан хабар береді, бұл 2023 жылдан шамамен 13 пайызға көп.
Елдегі халықаралық бағыттағы жолаушылар саны да айтарлықтай артқаны белгілі болған. Есепті кезеңде қытайлық әуе компаниялары халықаралық бағыттар бойынша 60 миллионнан астам жолаушы тасымалдаса, бұл өткен жылғы статистикамен салыстырғанда 130%-дан аса артық екенін көрсетіп отыр.
