DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
Қызылағаш су қоймасының құрылысы биыл аяқталады

Қызылағаш су қоймасының құрылысы биыл аяқталады

Экология, геология жəне табиғи ресурстар министрі Мағзұм Мырзағалиев Алматы облысындағы бірқатар су шаруашылығы нысандарын аралап шықты.

23 Мамыр 2020 19:23 128

Қызылағаш су қоймасының құрылысы биыл аяқталады

«Алматы облысының су шаруашылығы нысандарының жұмысымен таныстым. "Жұмыспен қамтудың жол картасын» іске асыру аясында бұл өңірде Көксу тоғанын, Қаратал бөгенін, Үсек өзеніндегі су шаруашылығын қайта салу, Талдықорғанға жақын жердегі ирригациялық жүйені қайта қалпына келтіру бойынша 4 жоба іске асырылады», – деп жазды Мағзұм Мырзағалиев сенбіде өзінің Twitter-дегі парақшасында.

«Бұл жобалар бойынша жұмыс басталып кетті. Олардың іске асырылуы апаттық жағдайдағы нысандарды қалпына келтіруге, өңірді сумен қамтамасыз етуге, суармалы жерлерді көбейтуге жол ашып, нысанды қалпына келтіру мен ауыл шаруашылығында еңбек еткен халықты жұмыспен қамтуға мүмкіндік береді», – деп атап өтті министр.

Бұдан басқа, Экология министрлігі басшысы Қызылағаш су қоймасын қалпына келтіру жұмыстарымен танысты.

«Сонымен қатар Ақсу ауданындағы Қызылағаш су қоймасын қалпына келтіру барысымен танысып, жұмыс сапасына көз жеткіздім. Бұл жоба ауданды сумен қамтамасыз етуде, ауыл шаруашылығын дамытуда маңызды. Қалпына келтіру жұмысының 90%-ы орындалды. Биыл су қоймасы пайдалануға тапсырылады», – деді М.Мырзағалиев.

 

inbusiness.kz-ті қараңыз, оқыңыз :

Заңсыз жиналған 47 тонна медициналық қалдыққа байланысты қылмыстық іс қозғалды

Ашық жатқан препараттарды экологтар жоспардан тыс тексеріс кезінде анықтаған. 

25 Қаңтар 2019 12:02 607

Заңсыз жиналған 47 тонна медициналық қалдыққа байланысты қылмыстық іс қозғалды

Павлодарда 47 тонна медициналық қалдық табылды. Экология департаменті олардың заңсыз лақтырылғанын, ал ол тұрғындар үшін өте қауіпті екенін айтты, деп хабарлайды astanatv.kz.

Ашық жатқан препараттарды экологтар жоспардан тыс тексеріс кезінде анықтаған. Олар қалдықтарды өртеу тиісті құжатсыз жүргізіліп келген деп отыр. «Утилизация» ЖШС 5 ауруханадан шыққан медициналық қалдықтарды жинап, жоймақ болған.   

«Аталған медициналық қалдықтар өте зиянды. Экологиялық жіктелімге сәйкес қауіпті деңгей. Яғни, адам өмірі мен қоршаған ортаға тигізетін кері әсері көп. Санитарлық санаты бойынша «Б» және «В» класына кіретін инфекцияланған медициналық қалдықтар»,– дейді Павлодар облыстық экология департаментінің бас мемлекеттік инспекторы Дархан Ісжанов.

Аталған фирма әкімшілік жауапкершілікке тартылды. Оған 144 мың теңге көлемінде айыппұл салынды. Мамандар оған қоса қоршаған ортаға келтірген зияны үшін 1 млн 700 мың теңге көлеміндегі шығынды өтеуі қажет деп отыр. Бұл іске табиғатты қорғау прокуратурасы да араласты. Қылмыстық іс қозғалып, тергеу басталған.  

«Қазақстан алюминийі» экологияны сақтауға бағытталған жұмыстары туралы есеп берді

«Қазақстан алюминийі» АҚ-ның жасыл желек қоры 70 гектарды құрайды. 

21 Желтоқсан 2018 17:01 702

«Қазақстан алюминийі» экологияны сақтауға бағытталған жұмыстары туралы есеп берді

Биыл «Қазақстан алюминийі» АҚ санитарлық қорғау аймағына 2765 түп жапырақты және 220 түп қылқанжапырақты ағаш отырғызған. Бұл туралы өңірлік коммуникациялар қызметінде өткен баспасөз мәслихатында кәсіпорынның өндіріс жөніндегі вице-президенті Владимир Боргер айтты, деп хабарлайды pavlodarnews.kz.

«Оның ішінде солтүстік өндірістік аймақтағы кәсіпорындар мен Павлодар қаласының тұрғын үй құрылысы арасындағы жасыл белдеуде пирамида тәрізді 550 түп терек егілді. Бұл көшеттер зауыттың орман тәлімбағында өсіріледі. «Қазақстан алюминийі» АҚ-ның жасыл желек қоры 70 гектарды құрайды. Бүгінде кәсіпорын мемлекет басшысының «жасыл экономикаға» көшу және өндірістік процестерді цифрландыру, соның ішінде табиғатты қорғау бағыттарын толығымен қолдайды», – дейді Владимир Боргер.

Спикер атмосфералық ауаны қорғау үшін «Қазақстан алюминий зауыты» АҚ-ның Павлодар алюминий зауытында тиімді тазалау әдістері қолданатынын атап өтті.

2018 жылдан бастап кәсіпорын мамандары Павлодар алюминий зауытының жентектеу пештерінде газ тазарту қондырғыларын ауыстыру жобасын іске асыруды бастаған. Сондай-ақ №1 және №7 пештерді газдан тазартуды жобалау жұмыстары жүргізілуде. Жобаны толық іске асыру нәтижесінде атмосфераға таралатын қатты заттардың эмиссиясы кем дегенде 10 мың тоннаға азаяды деп жоспарлануда.

«Бұдан басқа, биылғы жылы Зеленстрой кенті ауданындағы Павлодар алюминий зауытының санитарлық-қорғау аймағының шекарасында атмосфералық ауаға үздіксіз бақылау жүргізу үшін экологиялық мониторинг жүйесі орнатылған. Аталған құрылғы нақты уақыт режимінде қашықтықтан бақылауды жүзеге асырады. Бұл бағытта заманауи үлгіде жабдықталған аккредиттелген зертханалар да маңызды үлес қосуда», - дейді Владимир Боргер.

Жаңалықтарға жазылу: