Қызылорда қаласының прокуратурасы бюджет қаржысының мақсатты жұмсалуына жүргізген талдау барысында жалпы құны 2,8 млрд теңгені құрайтын заң бұзушылықтарды анықтады, деп жазады inbusiness.kz сайты.
-
1,4 млрд теңге теңгелік көше жөндеу конкурсына бұған дейін жөнделген көше енгізілген;
-
нақты мекенжайы мен жұмыс көлемі айқын көрсетілмеген жобалық-сметалық құжаттамаға сүйене отырып, тағы 1,2 млрд теңге теңгеге күрделі жөндеу конкурсы жарияланған;
-
қала көшелерін санитарлық тазалау жұмыстары қолданыстағы шарт бойынша орындалып жатқанына қарамастан, қосымша тазалау үшін 223,2 млн теңге теңгелік мемлекеттік сатып алу рәсімі басталған.
Прокуратура енгізген қадағалау актісінің нәтижесінде аталған үш конкурс (жалпы сомасы 2,8 млрд теңге) күшін жойып, бюджет қаражатының орынсыз жұмсалуына жол берілмеді.
