Жаңақорған ауданы Келінтөбе елді мекеніндегі №192 орта мектеп асханасынан тамақтанған балалар 2-3 сағаттан соң ауылдық дәрігерлік амбулаторияға жүгінген. Эпидемиологиялық тексеріс барысында жаппай уланудың қарақұмық пен жұмыртқа пайдаланғаннан болғаны анықталды, деп хабарлайды 24.kz.
Оқушыларға алғашқы дәрігерлік көмек көрсетілді. Орталық аудандық ауруханаға 4 бала жеткізілді. Қалған 21 оқушының жағдайы қанағаттанарлық. Қазіргі таңда ауру ошағынан сынамалар алынып, азық-түліктер тексерілу үстінде.
"Қазіргі таңда балалар жағдайы орташа. Түскеннен бастап іш өтуі, құсқаны болған жоқ. Барлық зерттеулер алынып, жұмыс барысында 21-22 мамырда, толық эпидемиологиялық зерттеулер мен анализдер дайын болған соң нақты диагноз қойылады", - дейді облыстық жұқпалы аурулар ауруханасының бас дәрігері Айна Мұхамбетова.
