Қызылорда облысында 2017 жылдың бірінші тоқсанында 137,9 мың шаршы метр тұрғын үй пайдалануға берілді. Мұны облыс әкімінің орынбасары Қуанышбек Ысқақов хабарлады.
"2017 жылдың қаңтар-наурызында облыстың өнеркәсіп кәсіпорындары 173,3 млрд теңгенің өнімін өндірді. Нақты көлем индексі 95,4%. Сонымен қатар, өңдеу өнеркәсібінде де өсім байқалады. Тамақ өнімдері және басқалай металл емес минералды өнімдердің артуы есебінен өңдеу өнеркәсібінде өсім 9,6 пайызға жетті", – дейді Қуанышбек Ысқақов.
Жалпы, спикердің айтуынша, облыс экономикасының маңызды бағыттарында өсім бар. Мысалы, негізгі капиталға салынған инвестиция көлемі 26,6 млрд теңге болды (өсім – 4,6%), құрылыс жұмысы – 5,7 млрд теңге (өсім – 6,1%) болса, 137,9 мың шаршы метр тұрғын үй пайдалануға берілді (өсім – 37,1%).
Бұдан бөлек, ауыл шаруашылығы өнімдерінің жалпы көлемі 6,9 млрд теңгені құрады. Мемлекеттік бюджетке 24387,5 млн теңге салық және басқа да міндетті төлемдерден түсім түсті немесе болжамға сәйкес 110%. Оның ішінде республикалық бюджетке 14551 млн теңге, жергілікті бюджетке 9836,5 млн теңге түсті.
