Қызылорда облысында нысандарды жария ету жұмыстары жалғасуда, деп хабарлады облыс әкімдігінің баспасөз қызметі.
Былтырғы жыл аяғындағы көрсеткіш бойынша облыста 2252 жылжымайтын мүлікті жария ету үшін 1912 өтініш берілген. Бұл мүліктердің жалпы бағасы 15 760278,4 мың теңгені құрады.
Бүгінге дейін 1691 өтініш бойынша жалпы құны 14 829252,7 мың теңге болатын 1998 нысан жария етілген.
Сонымен қатар, облыстық қаржы басқармасының мамандары 2017 жылдың 1 мамырына облыс бойынша 740 мемлекеттік мекеме, 404 жедел басқару құқығындағы мемлекеттік кәсіпорындар, 32 шаруашылық жүргізу құқығындағы мемлекеттік кәсіпорындар, 3 акционерлік қоғам, 17 жауапкершілігі шектеулі серіктестік тіркелгендігін хабарлайды.
Осы жылдың 5 айында облыстық коммуналдық мүліктегі мемлекеттік тұрғын үй емес жайларды мүліктік жалға беру бойынша 100 келісім-шарт жасалды.
