Қызылорда облысында су тасқынына дайындық барысы пысықталды

1274

Қызылорда облысында су тасқынына дайындық барысы пысықталды

Су тасқынының алдын алу мақсатында облыс бойынша Сырдария өзенінің арнасындағы қауіпті деген 56 учаске анықталып, оларға 135 жауапты мекеме бекітілген. Бұл мекемелер 1 685 адам мен 403 бірлік арнайы техникамен жарақталған, деп хабарлады облыс әкімдігінің баспасөз қызметі.

Бұл туралы Өңірлік коммуникациялар қызметінде өткен брифингте облыстық жұмылдыру дайындығы басқармасы басшысының міндетін атқарушы Ғ. Жаңабаев хабарлады. 

"Су тасқынына қарсы жұмыстарға пайдаланылатын материалдық-техникалық қорлар бойынша барлығы 109,8 тонна жанар-жағар май қоры және 199 500 дана қап, оның ішінде облыс резервінде 153 000 дана, қала және аудандар шегінде 46 500 дана қап сақтауда тұр. Сонымен қатар, 17 350 бау қамыс, 14 720 дана пашын және 500 текше метр қарабура мен тағы да басқа қажетті материалдардың қорлары жасақталды" – деді сала басшысы. 

Бүгінгі күні Қызылорда қаласы мен аудандарда тасқын су кезеңінде халықты көшіруге арналған 82 эвакуациялық жинақтау және 96 қабылдау пункттері дайындыққа келтірілген.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу