Қызылорда облысының әкімі Н. Нәлібаев пен Қазақстан Республикасы теннис федерациясының президенті Б. Өтемұратовтың қолдауымен Қызылорда облысының мәдениет және спорт басқармасы жанынан арнайы "Теннис орталығы" дербес мекеме болып құрылды, деп хабарлайды inbusiness.kz тілшісі.
Қазіргі таңда орталықта 104 бала тегін тенниспен шұғылданып, халықаралық және республикалық жарыстарға қатысып, жүлделі орындарға ие болуда.
Аталған мекемеде қосымша үстел теннисі және бадминтон спорт түрлерінен бөлімшелер ашылып жұмыс жасайтын болады.
"Теннис мектебі қосымша жаттықтырушы-оқытушылар штаттармен, спортшылардың жарыстарға қатысу шығындарымен қамтамасыз етіліп, Қызылорда облысында теннис спортын жан-жақты дамыту бағытында нақты шаралар жүзеге асырылады. Жыл сайын мекемені ұстауға қосымша 180,0 млн теңге бөлінеді", - делінген хабарламада.
