"Самара-Шымкент" тас жолының 1340 шақырымында, Арал ауданы аумағында жүк көлігі өртке оранды деп жазады inbusiness.kz аймақтың Төтенше жағдайлар департаментінің баспасөз қызметіне сілтеме жасап. Өрт туралы хабарлама құтқару қызметіне 27 қараша күні, кешкі 19.40-те түскен.
"Хабарлама бойынша өртке қарсы қызметтен бір техника, 7 қызметкер жұмылдырылды. Барлау нәтижесінде Ресейден Тәжікстанға бағыт алған "Volvo" жүк автокөлігінің тіркемесіне тиелген тұрмыстық техника мен жиһаздар толығымен жанып жатқаны анықталды. Өрт сөндірушілердің жедел іс-қимылының нәтижесінде жалынның жүк көлігі кабинасына таралуына жол берілмеді", - деді Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Қазір өрттің шығу себебі мен шығыны анықталып жатыр. Өрттен ешкім зардап шеккен жоқ.
