Қызылорда тұрғыны палау ішіне телефон жасырып, тергеу изоляторына өткізбек болған, деп жазады inbusiness.kz.
18 қараша күні қаладағы қылмыстық атқару саласына қарасты № 68 тергеу изоляторының сәлем-сауқаттарды қабылдау бөлмесіндегі қызметкерлер тыйым салынған затты анықтады. Ер адам "Samsung" маркалы ұялы телефонды полиэтилен пакетіне орап, палау ішіне жасырып өткізбекші болған.
Оның қамауда отырған танысы Қылмыстық Кодекстің 188-бабындағы 3 бөлігі (тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотталған.
Бұл дерек бойынша 1997 жылғы Қызылорда қаласының тұрғыны жауапқа тартылды.
Оған ҚР ӘҚБтК-нің 481-бабына сәйкес әкімшілік хаттама толтырылып, ісі сотқа жолданды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
