Қызылордада "Қызылорда-газ" ЖШС-ның автокөліктерге жанармай құю станциясында газ-ауа қоспасы жарылды. Бұл туралы ІІМ төтенше жағдайлар комитетінің төрағасы Владимир Беккер айтты, деп хабарлайды Интерфакс-Қазақстан.
Оның айтуынша, оқиға сейсенбі күні "ПАЗ" автобусына жанармай құю кезінде болған.
"Газ-ауа қоспасы атылғанымен, өрт шықпады. Бірақ 2004 жылы туған азаматтың беті-қолы күйіп, ауруханаға түсті. Ол газ баллонын толтырып алмақ болып кезекте тұрған жанармай станциясының клиенті", – деді Владимир Беккер бүгін баспасөз мәслихатында.
Ол тұрмыстық газ баллондарын автокөлікке жанармай құю станцияларында толтыруға тыйым салынғанын еске салды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
