Қызылорда облысында медициналық колледж түлектері жоғары оқу орындарда тегін білім алуға мүмкіндік алып отыр. Ақхалатты абзал жандардың кәсіби мерекесі қарсаңында аймақ басшысы 20 грант бөлді. Сондай-ақ біліктілік арттыруға арналған резидентураға 25 маман жіберіледі, деп хабарлайды 24.kz.
Жалпы облыс бойынша жергілікті бюджет қаражаты есебінен қажетті мамандықтарға қайта даярлауға өткен жылы 68 млн теңге бөлінсе, биыл ол сома 2 есеге ұлғайып отыр. Медицина қызметкерлері күні қарсаңында саланың үздік дәрігерлеріне 500 мың теңгенің сертификаттары табысталды.
Айта кетсек, соңғы жылдары аймақ дәрігерлерінің сапалы әрі жүйелі қызметі нәтижесінде өлім-жітім 4 пайызға төмендеп, сырбойылықтардың орташа өмір сүру ұзақтығы 72 жасты құрады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
