Қызылорда қаласында бес қабатты тұрғын үйдің бірінен шыққан өрт кезінде алты адам, оның ішінде екі бала қауіпсіз жерге эвакуацияланды, деп хабарлайды inbusiness.kz сайты.
Төтенше жағдайлар министрлігінің мәліметінше, 112 пультіне Бейбарыс көшесінде орналасқан көппәтерлі тұрғын үйде өрт шыққаны туралы хабарлама түскен.
Оқиға орнына жеткен өрт сөндірушілер екінші қабаттағы пәтердің балконы ашық жалынмен жанып жатқанын анықтап, өртті сөндіруге және тұрғындарды эвакуациялауға кіріскен.
Құтқарушылар баспалдақ арқылы 6 адамды, оның ішінде екі баланы қауіпсіз жерге шығарды.
Өрт қысқа уақыт ішінде толық сөндірілді. Оқиғадан зардап шеккендер жоқ. Қазір өрттің шығу себебі анықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
