Өңірлік коммуникациялар қызметінің хабарлауынша, денсаулық сақтау саласына енетін ІТ жобалардың әсерінен жүкті әйелдерге көрсетілетін қызмет сапасы артады. Өңірде бала өлімін азайту, туа біткен ауруларды ерте анықтау, созылмалы ауруларға жұмсалатын шығындарын азайту көзделген.
Көлік саласында өндіріске үш жоба енгізіледі. Облыстық бюджеттен 2 жобаға 38,7 млн. теңге, мемлекеттік-жекешелік әріптестік аясындағы бір жобаға 800 млн теңге қаралған. Осы арқылы көлік ұйымдарының салық түсімдері 20%- ке, табысы 30%-ке өседі. Кондукторлардың төлемдерді заңсыз иемденуі 90%-ға азаяды. Жолаушылардың қоғамдық көлікті күту уақыты қысқарып, жедел ақпараттандырылады.
Ауыл шаруашылығы бағытындағы ІТ жобалар құрғақшылық, зиянкестердің көбеюі сынды кризистік сәттерді болдырмау үшін пайдаланылмақ.
Ескендір Ертай
