Қызылорда облысында не жұмысы, не оқуы жоқ жастардың саны 8,3% құрап отыр. Облыстық жастар саясаты мәселелері басқармасының басшысы Қуаныш Жанұзақов, өңірдегі 176746 жастың 101100-і экономикалық белсенді азамат дейді. Оның 4200-ы жұмыссыз ретінде тіркелген.
"Жастар арасындағы жұмыссыздық деңгейі 2019 жылдың ІІ тоқсанының қорытындысымен 4,2% құрап, өткен жылдың осы кезеңімен салыстырғанда 0,1%-ке төмендеді. Сондай-ақ, NEET санатына жататын, яғни жұмыста немесе оқуда жоқ жастардың деңгейі 8,3% құрап, Қарағанды, Түркістан, Солтүстік Қазақстан және Шымкент қаласынан кейінгі сатыда тұр", – деді басқарма басшысы.
Айта кетер жайт, аталған облыстар мен Шымкент қаласымен салыстыруға келмейтін халқы шағын Қызылорда облысы үшін бос жүрген жастардың бұл көрсеткіші жұмыссыздық деңгейін өсіре түседі.
Нұрбек Дәуренбеков
