Атырау облысының білім басқармасы құзыретті органдармен бірлесіп, қайғылы оқиғаның барлық мән-жайын анықтау үшін комиссия құрды, деп жазады inbusiness.kz atpress.kz порталына сілтеме жасап.
“Қайтыс болған жасөспірімнің денесі сот-медициналық сараптамаға жіберіліп, қылмыстық іс қозғалды”, - делінген хабарламада.
Білім басқармасы қайтыс болған баланың отбасына барлық қажетті көмекті көрсететінін мәлімдеді.
Белгілі болғандай, 4 тәлімгер және 73 баладан тұратын топ “Атырау-Астрахань” пойызымен "Қазақстан геологы" санаторийіне (Железноводск) бара жатқан.
Пойыз жолға шыққаннан кейін 1,5 сағаттан кейін балалардың бірі өзін нашар сезінді. "Нарын" станциясына келген жедел жәрдем баланың көз жұмғанын анықтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
