Ресей СІМ басшысы Сергей Лавров 1-2 наурызда Нью-Делиге барып, G20 СІМ басшыларының кездесуіне қатысады, деп хабарлады Ресей сыртқы саясат ведомствосының ресми өкілі Мария Захарова.
"1-2 наурызда Нью-Делиде Ресей СІМ басшысы жиырма елдің сыртқы саяси ведомстволары басшыларының кеңесіне қатысады", - деді ол.
Захарова G20 алаңдарында бірқатар екіжақты кездесулер пысықталып жатқанын, атап айтқанда, Қытай, Бразилия, Үндістаннан келген әріптестерімен кездесулер жоспарланғанын хабарлады.
Ресей тарапы G20 СІМ басшыларының алдағы кездесуінде "жиырмалықтағы" әріптестерін ұлттық валютада есеп айырысуларға көшуге, тәуелсіз сақтандыру схемалары мен көлік маршруттарын құруға шақырмақ.
"Біз Ресейдің осы қауіптерді жою, сыртқы сауда байланыстары мен логистикалық дәліздерді әртараптандыру жөніндегі іс-әрекеттерін егжей-тегжейлі баяндаймыз, "жиырмалықтағы" әріптестерді ұлттық валюталарға көшуге, есеп айырысу мен төлем тетіктерін қосуға, тәуелсіз сақтандыру схемалары мен көлік маршруттарын құруға шақырамыз", - делінген Ресейдің сыртқы саясат департаментінің сайтында жарияланған түсініктемеде.
Ресей тарапы сондай-ақ "жаһандық экономикалық басқару институттарын елеулі түрде демократияландыру, Бреттон-Вудс құрылымдары мен ДСҰ шеңберінде шешім қабылдауда БРИКС мемлекеттері мен дамушы елдердің рөлін кеңейту, сондай-ақ Африка одағының G20 тұрақты мүшесі мәртебесін алуға өтінімін қолдауға" ниетті, деп хабарлады Смоленск алаңында.
