Пандемия кезінде елге қолдау көрсету үшін бөлінген 6 пайыздық несиеге ауылдағы ағайын қол жеткізе алмай отыр. Ұлттық қоғамдық сенім кеңесінің мүшесі Ләззат Қожахмет осындай мәселе көтерді.
"Ауылдық тұрғындарға берілетін 6 пайыздық несие бар. Бірақ, өкінішке қарай, осы "ҚазАгро" холдингіне қарасты акционерлік қоғамда ауылдағы мүліктерді өте төмен бағалайды. Мысалы, ауылдағы үйдің бір шаршы метрін 6 мың теңгеге бағалайды. 6 миллиондық кредитті алу үшін бірнеше баспанаң болуы керек, не болмаса, үлкен жайылымдық жерің болуы керек. Яғни ауылдағы тұрғындарға 6 пайыздық кредитті беру шарттарын жеңілдетіп, бағалайтын мүлік құнын жоғарылатуды сұраймыз", – деді ол.
Есжан Ботақара
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
