Ливияда Анкарадағы әуе апаты салдарынан елдің Бас штабының бастығы Мұхаммед әл-Хаддад пен делегация мүшелерінің қаза табуына байланысты үш күндік ұлттық аза тұту жарияланды, деп хабарлайды inbusiness.kz сайты Анадолы агенттігіне сілтеме жасап.
Ливия ұлттық бірлік үкіметінің жазбаша мәлімдемесіне сәйкес, билік әл-Хаддадтың отбасы мен басқа қаза тапқан азаматтардың жақындарына, сондай-ақ Ливия Қарулы күштеріндегі қаруластарына көңіл айтты. Хабарламада қайғылы жағдайға байланысты ел аумағында үш күндік аза тұту жарияланғаны жазылған.
"Үш күн ішінде барлық мемлекеттік мекемелерде тулар төмен түсіріледі, сондай-ақ барлық ресми және салтанатты іс-шаралар тоқтатылады. Бұл шешім Анкарада ресми міндеттерін атқарып жүрген кезінде апаттан қаза тапқан Ливия армиясы Бас штабының бастығы, генерал-лейтенант Мұхаммед әл-Хаддад пен оның серіктестерінің өліміне байланысты қабылданды", – делінген мәлімдемеде.
Ливияның премьер-министрі Абдулхамид Дибейбенің Қорғаныс министрлігіне оқиғаның мән-жайын анықтады тапсырды. Түркия тарапымен жұмысты тікелей үйлестіру мақсатында Анкараға ресми делегация жіберу көзделіп отыр.
Ливияда 24-25 желтоқсан күндері Тәуелсіздік күні атап өтілуі тиіс болған.
Айта кету керек, бұған дейін Ливия Бас штабының генералы Түркиядағы ұшақ апатынан қаза тапқанын жазғанбыз.
