Ливия жағалауында мигранттар мінген қайық суға батып кетіп, салдарынан 90-нан астам босқын іс-түзсіз жоғалып кетті. Бұл туралы Ливия жағалау күзетінің өкіліне сілтеме жасап Reuters агенттігі хабарлады.
Оқыс оқиға ел астанасы Триполи жағалауынан 41 шақырымдай жерде болды. Құтқарушылар судан 29 босқынды шығарып үлгерген. Аман қалғандардың айтуынша, қайықты барлығы 126 адам болған. Алайда жолда қайықтан кінәрат шығып, ол суға кеткен.
Жалпы алғанда, 97 мигрант іс-түзсіз жоғалып кетті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
