Ұлттық экономика министрі Серік Жұманғарин ломбардтардың қызметіне қатысты пікір білдірді, деп хабарлайды inbusiness.kz сайты.
Журналистер министрден Астанада салынып жатқан жаңа тұрғын үй кешендерінде ломбардтардың ашылуы жиілегенін айтып, бұл халықтың кедейленіп бара жатқанын білдірмей ме деп сұрады.
"Кәсіпкерліктің белсенділігіне кедергі жасай алмаймыз. Сол себепті мында ломбард салма, мында дәріхана ашпа дей алмаймыз. Керек болса, ашсын. Ол да бәсекелестік қой. Бір-екі ломбард қасында тұрса, бәсекелестік болса, сіздерге жақсы ғой. Қызметтерінің бағасы арзандайды", – деді Ұлттық экономика министрі Сенат кулуарында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
