Лондон қор биржасын бұзуды жоспарлаған палестиналық топтың 6 белсенді мүшесі ұсталған. Бұл туралы inbusiness.kz сайты Reuters агенттігіне сілтеме жасап хабарлайды.
Daily Express басылымы құқық қорғау органдарына белсенділер 15 қаңтар күні таңертең Лондон қор биржасы ғимаратының кіреберісін жауып тастауға дайындалып жатқанын хабарлаған соң, полиция тергеу жұмыстарын бастады.
Сондай-ақ, палестиналық топтың бұл әрекеті Израильдің Газа секторындағы әрекеттеріне наразылық шарасы ретінде сауда-саттықтың басталуына жол бермеді.
"Жексенбі, 14 қаңтар күні таңертең Мерсисайд полициясының әріптестерімен бірге жұмыс істейтін полиция қызметкерлері Ливерпуль қаласына зиян келтіру мақсатында қылмыс жасамақ болды деген күдікпен 31 жастағы ер адамды ұстады", - деп мәлімдеді Лондон қалалық полициясы.
Жексенбі күні полиция сыбайлас деп санайтын тағы бес адам Лондон, Ливерпуль және Брайтон қалаларында дәл осындай қылмысы үшін қамауға алынды. Қазіргі таңда, барлық алты адам қамауда отыр.
"Ұсталған топ мүшелерінің Лондон қор биржасын бұғаттау мақсатында жоспарлаған іс-әрекеттері ауыр зардаптарға әкелуі мүмкін", - деп түсіндірді қалалық полиция қызметкерлері.
