Туризм және спорт вице-министрі Мирас Төлебаев Орталық коммуникациялар қызметінде өткен брифингте лоторея билеттері қай жерде сатылмайтынын айтты, деп хабарлайды inbusiness.kz сайты.
"Енді лотерея операторының электронды өнімдері оның ресми интернет-ресурсында және мобильді қосымшасында ғана қолжетімді болады. Лотерея билеттері тұрғын үйлерде, мәдениет, білім беру және денсаулық сақтау ұйымдарында, діни мекемелерде, сондай-ақ мектептерден, университеттерден, ауруханалардан және емханалардан жүз метр радиуста сатылмайды", - деді министрлік өкілі.
Айта кету керек, осыған дейін 3,5 миллионға жуық қазақстандық бәс тіге алмайтынын жазған болатынбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
