"Реал Мадрид" жартылай қорғаушысы Лука Модрич келісімшарты аяқталған соң испаниялық клубтан кетеді, - деп хабарлайды inbusiness.kz сайты.
Prosports.kz ақпараты бойынша, футболшы мадридтік командамен келісімшартын ұзартпайды және карьерасын басқа клубта жалғастырады. Бұған дейін 2024 жылдың жазында Модрич Сауд Арабиясы клубтарының біріне ауысуы мүмкін екені хабарланған болатын.
Хорватиялық жартылай қорғаушы "Реал Мадрид" сапында 2012 жылдың тамызынан бері ойнап келеді. Осы маусымда ол "корольдік клуб" сапында барлық турнирде 24 матч өткізіп, бір гол соғып, бес нәтижелі пас берді.
Естеріңізге сала кетейік, Модрич – "Алтын доп" иегері. Хорватиялық футболшы бұл жүлдені 2018 жылы алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
