Бұл туралы бүгін, 20 қыркүйекте Лукашенко Республика Қауіпсіздік Кеңесінің Мемлекеттік хатшысы Александр Вольфовичпен кездесуде мәлімдеді.
"Біз бүгін қарастыруды жоспарламаған мәселе, бірақ сіз маған Оңтүстік шекарадағы жағдай туралы қысқаша баяндауыңыз керек деп санаймын. Мен сізге, Қорғаныс министрлігіне, барлық күш құрылымдарына Ресейдің Украинадағы арнайы әскери операциясы басталғаннан бергі тәжірибемізді ескере отырып, Украина шекарасындағы іс-әрекеттерімізді іс жүзінде пысықтауды тапсырдым. Бұған дейін біз біраз тәжірибе алдық: батальондық тактикалық топтар құру, шекараны жабу. Қазір жағдай қандай және Біз онда қалай әрекет етеміз?"- деп сұрады ол.
Осыған ұқсас сұрақты Беларусь басшысы Солтүстік-Батыс шекараны жабуға қатысты қойды.
"Нақты қауіптер бар жерде жабуға міндетті. Бұл біздің армия үшін ең бастысы. Тағы да, біздің Украинада соғысатынымызды және тағы басқа әрекеттерімізді айыптаудың қажеті жоқ. Біз өз Отанымызды қорғауымыз керек. Ресейдің қолдауына келетін болсақ, мен тағы да растаймын: Беларусь арқылы Ресей әскерлеріне соққы болмауы керек. Және болмайды да. Бұл біздің одақтасымыздың алдындағы міндетіміз", - деп атап өтті Лукашенко.
Естеріңізге сала кетейік, Ресей 24 ақпаннан бастап Украинада арнайы әскери операция жүргізуде. Беларусь оған ресми түрде қатыспайды. Сонымен бірге, Беларусь басшысы республиканың басты міндеті — Ресей әскерлерінің артына соққы бермеу екенін бірнеше рет айтқан.
Динара Мұрат
