/img/tv1.svg
RU KZ
KASE 2 277,42 Hang Seng 27 949,64
РТС 1 599,82 FTSE 100 7 585,98
DOW J 29 015,01 Бидай 572,60
«ЛУКОЙЛ» басшысы Қасым-Жомарт Тоқаевқа есеп берді

«ЛУКОЙЛ» басшысы Қасым-Жомарт Тоқаевқа есеп берді

Мемлекет басшысы «ЛУКОЙЛ» мұнай компаниясының президенті Вагит Алекперовті қабылдады.

10 Желтоқсан 2019 17:22 117

«ЛУКОЙЛ» басшысы Қасым-Жомарт Тоқаевқа есеп берді

Қасым-Жомарт Тоқаевқа мұнай компаниясының 2019 жылы Қазақстанда атқарған жұмыстарының есебі берілді. Сондай-ақ Вагит Алекперов «Жеңіс» және «I-P-2» теңіз жобаларын жүзеге асырудың қазіргі ахуалы мен перспективалары туралы баяндады, деп хабарлайды Ақорданың баспасөз қызметі.

Ресей бизнесмені Қазақстан Президентіне Алматы облысында биыл қыркүйек айында ашылған «ЛУКОЙЛ» жағармай өнімдерін шығаратын зауыт жұмысының алғашқы нәтижелері жайында мәлімет берді.

Мемлекет басшысы осындай зауыт салғаны үшін Вагит Алекперовке ризашылығын білдірді.

«Бұл – сіздің компанияның Қазақстан экономикасына қосқан елеулі үлесі. Мұндай бағыттағы инвестицияларға жан-жақты қолдау көрсетеміз», – деді Қасым-Жомарт Тоқаев.

Вагит Алекперов аталған өндіріс нысаны компанияның мақтанышына айналғанын атап өтті. Оның айтуынша, кәсіпорын 700-ге жуық өнім түрін шығарады және бір жарым айдың ішінде өзінің жобалық қуатына толық жетеді.

inbusiness.kz-ті қараңыз, оқыңыз :

ҚМГ мен ЛУКОЙЛ Жеңіс учаскесінде көмірсутектерді бірге өндіруге қатысты келісті

Жобаның операторы – «Жеңіс Оперейтинг» ЖШС.

03 Сәуір 2019 17:15 306

ҚМГ мен ЛУКОЙЛ Жеңіс учаскесінде көмірсутектерді бірге өндіруге қатысты келісті

Жеңіс учаскесінде көмірсутектерді барлау және өндіру бойынша келісімшартқа қол қойылды

«ҚазМұнайГаз» ҰК АҚ, «ЛУКОЙЛ» ЖАҚ және ҚР Энергетика министрлігі Каспий теңізінің қазақстандық секторындағы Жеңіс теңіз учаскесін бірлесіп игеру шеңберінде көмірсутектерді барлау мен өндіру туралы келісімшартқа қол қойды, деп хабарлайды ҚМГ баспасөз қызметі.

Жобаның операторы – «Жеңіс Оперейтинг» ЖШС (ҚМГ мен ЛУКОЙЛ-дың бірлескен кәсіпорны).

Айта кетсек, Жеңіс учаскесі Каспий теңізінің қазақстандық секторы акваториясының оңтүстік бөлігінде орналасқан. Кемелер үшін ең жақын порт – Ақтау қаласы (180 км). Блоктың жалпы ауданы – 4 772,23 шаршы км. Судың тереңдігі –75-100м. 2018 жылдың қараша айында ЛУКОЙЛ мен ҚазМұнайГаз бірлесіп жұмыс істеу және Жеңіс жобасын қаржыландыру бойынша келісімге келді. 

Нұрсұлтан Назарбаевқа «Халық қаһарманы» атағы берілді

ҚР президенті өкілеттігін қабылдаған Қасым-Жомарт Тоқаев Елбасыға «Алтын жұлдыз» орденін тапсырды. Ол Қазақстан қол жеткізген барлық жетістіктері мен табыстары, қасиетті тәуелсіздігі үшін президент Нұрсұлтан Назарбаевқа борышты деп есептейді.

20 Наурыз 2019 12:41 469

Нұрсұлтан Назарбаевқа «Халық қаһарманы» атағы берілді

Фото: Серікжан Қобыланбаев

Бүгін Республика президенті Қасым-Жомарт Тоқаев ҚР Тұңғыш Президенті - Елбасы Нұрсұлтан Назарбаевқа «Халық қаһарманы»  атағын берді.

Бүгін ҚР парламенті палаталарының бірлескен отырысында ҚР президенті өкілеттігін қабылдаған Қасым-Жомарт Тоқаевқа Президент куәлігі, омырауға тағатын белгісі және байрағы, «Алтын қыран» ордені тапсырылды.

Салтанатты жиында Қасым-Жомарт Тоқаев сөз алып, президент ретіндегі алғашқы тапсырмаларды жүктеді. Ол Елбасы Нұрсұлтан Назарбаевқа «Халық қаһарманы» атағын беруді ұсынды. 

Қазақстанның тұңғыш президенті Нұрсұлтан Назарбаевтың отставкаға кету туралы шешімі елдің болашағын шынайы ойлаумен қабылданған шешім, деп есептейді Қазақстан президенті Қасым-Жомарт Тоқаев. 

«Елбасының бұл ерікті шешімі жаһандық деңгейдегі және тарихи ауқымдағы саяси қайраткер ретіндегі ұлылығының айқын көрінісі. Бұл шешім біздің мемлекеттің келешегін шынайы ойлаудан туындаған шешім. Қазақстан қол жеткізген барлық жетістіктері мен табыстары, қасиетті тәуелсіздігі үшін президент Нұрсұлтан Назарбаевқа борышты», – деді Қасым-Жомарт Тоқаев парламент палаталарының бірлескен отырысында сөйлеген сөзінде.

Жаңалықтарға жазылу: