Украинадағы Львов қаласының билігі Ресей және КСРО-мен байланысы бар 30-дан астам көшенің атауын өзгертеді, деп хабарлайды inbusiness.kz шаһар басшының орынбасары Андрей Москаленконың мәлімдемесіне сілтеме жасап.
"Басты мақсат – топонимдерді деколонизациялау және Ресей қайраткерлерінің есімдерімен аталған көшелердің атауын өзгерту ғана емес, Украина әскеріне, еріктілеріне, мәдениет, ғылым, спорт қайраткерлеріне, қоғам қайраткерлеріне құрмет көрсету", – деді Москаленко.
Оның айтуынша, қала көшелерінің атауын өзгерту мәселесімен арнайы жұмыс тобы айналысады.
Тізімге 34 көше енгізілді. Олардың қатарында Карл Брюллов, Михаил Врубель, Михаил Глинка, Софья Ковалевская көшелері бар.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
