Материалда Палата Спикері жаһандық әлемдік тәртіптегі өзгерістерді, халықаралық қатынастардың жаңа архитектурасының қалыптасуын, сондай-ақ Президент Қасым-Жомарт Тоқаевтың бастамасымен жүргізіліп жатқан реформалардың Қазақстанның әлемдік аренадағы ұстанымын нығайтуға қалай ықпал ететінін талдайды, деп жазады inbusiness.kz сайты.
"Бүгінде президенттік реформалар жай ғана өзекті емес, олар жаһандық өзгерістер ағынының ажырамас бөлігіне айналды. Әлемдегі қуатты күш орталықтарының бұрынғы жүйесі әлсіреп, жаңа күштер қалыптасып келе жатқан кезеңде өз егемендігін бәрінен жоғары бағалайтын, біртұтас ұлт қана жаңа әлемде лайықты орнын таба алады. Біз геосаяси дауылға дайын екенімізді көрсеттік. Бұл біртұтас, Әділетті Қазақстан үшін жаңа мүмкіндіктерге жол ашады", – деп жазады Сенат төрағасы Мәулен Әшімбаев.
Мақалада сондай-ақ жаңа жаһандық шындық жағдайында елдің одан әрі дамуының негізгі бағыттары жан-жақты қарастырылады.
Атап айтқанда, мультиплексті әлемнің қалыптасуы, сыртқы саясаттың трансформациясы, сондай-ақ, желілік егемендік моделіне көшу мәселелері сөз болады. Бұл модель аясында Қазақстан жаһандық экономикалық және көлік байланыстарының маңызды әрі алмастырылмайтын тораптарының бірі ретіндегі рөлін күшейтеді.
Мақаланың толық нұсқасын сілтемеден оқуға болады.
