"Қазақстан темір жолы"ҰК" АҚ-ның еншілес компаниясы "М.Тынышпаев атындағы қазақ көлік және коммуникациялар академиясы" АҚ 10 250 999 999 теңгеге сатылды, деп хабарлайды "Самұрық-Қазына" АҚ-ның баспасөз қызметі.
Электрондық аукцион www.gosreestr.kz алаңында өтті. Оған қатысушылар үшін кепілдік жарна 72 150 000 теңгені құрады.
Жоғары оқу орны көлік-коммуникация кешені, оның ішінде темір жол (қалалық электр көлігі мен метрополитен) және автомобиль көлігі, ақпараттық технологиялар, қаржы-экономика салалары үшін маман даярлайды. Сатып алу-сату шартына сәйкес компанияның жаңа қожайыны оның жұмыс бағытын, активті сатып алған уақыттан бастап 5 жыл ішінде академиялық мамандардың санын сақтауға тиіс.
"Самұрық-Қазына" АҚ жекешелендірудің 2016-2020 жылдарға арналған кешенді жоспары аясында 215 активті бәсекелестік ортаға шығарады.
