Он мыңдаған медицина қызметкерлері Мадрид көшелеріне автономды қоғамдастық үкіметінің қоғамдық денсаулық сақтау жүйесін әлсіреткенін алға тартып, көшеге шықты, деп хабарлайды Inbusiness.kz DW сайтына сілтеме жасап.
Ақ халатты абзал жандар қаланың орталық көшелерінде барабандар алып, ұрандап шеру өткізді.
Аймақтық Үкіметтің бағалауы бойынша, Испания астанасында "Ақ толқын" деп аталатын наразылық шеруіне 30 мыңға жуық адам қатысты. Акцияны ұйымдастырушылар Мадрид елдің ең бай аймақтарының бірі болғанымен, ең аз соманы жан басына шаққандағы алғашқы медициналық-санитарлық көмекке жұмсайды деп санайды.
Соңғы жылдары әсіресе 2020 жылы COVID-19 пандемиясы басталғаннан кейін, консервативті халықтық партия өкілі Исабель Диас Аюсо бастаған Мадрид Үкіметі ауруханалар мен алғашқы медициналық-санитарлық орталықтардың нашар жұмыс жасауына байланысты қатты сынға ұшырады. Аюсо қызметкерлердің жетіспеушілігін жоққа шығарады және наразылықтар мен ереуілдерді солшыл партиялар 2023 жылғы муниципалдық және аймақтық сайлау қарсаңында ұйымдастырады деп мәлімдейді.
