Атом энергиясы жөніндегі халықаралық агенттіктің (МАГАТЭ) сарапшылары Запорожье атом электр станциясының (ЗАЭС) аумағында тексеру жүргізіп, станцияның 6-энергоблогына жақын орналасқан турбиналық корпус сыртынан зақымдарды анықтады, деп жазады inbusiness.kz сайты DW-ге сілтеме жасап.
МАГАТЭ мәліметінше, бақылау тобы ғимараттың жоғарғы қабатындағы металл люктің зақымданғанын, сондай-ақ жерде жатқан сынықтар мен күйген талшықты-оптикалық кабель қалдықтарын тапқан. Агенттік бұл белгілердің дрон соққысынан болғанын растады.
Қосымша тексеру жүргізу үшін МАГАТЭ мамандары 6-энергоблок жанындағы ғимараттың ішіне кіруге рұқсат сұрады. Агенттік мәліметінше, қазіргі уақытта радиациялық фон қалыпты деңгейде қалып отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
