Ливияда екі жарым тонна уран көзден ғайып болғандай, ядролық материал сақталуы керек жерде ол табылмады, деп хабарлайды inbusiness.kz штаб-пәтері Венада орналасқан халықаралық Атом энергиясы агенттігіне (МАГАТЭ) сілтеме жасап.
МАГАТЭ-нің атқарушы директоры Рафаэль Гроссидің айтуынша, "сары кек" сақталған он контейнердің жоғалғаны бір күн бұрын Ливиядағы инспекция кезінде анықталды. Гросси бұл оқиға туралы барлық мүше елдерге жазбаша хабарлама жіберді. МАГАТЭ "ядролық материалдың қалай жоғалғанын және оның қазіргі орналасқан жерін анықтау" үшін қосымша тексерулер жүргізуге ниетті.
"Сары кек" - уран өндірудің белгілі бір әдісінің нәтижесінде алынатын сары түсті ұнтақ түріндегі уран тұздарының тұнбасы. Қайта өңделген түрінде ол атом электр станциялары үшін отын бола алады, егер одан әрі байытылса, ядролық қаруды жасау үшін пайдаланылуы мүмкін.
