Бірге - Таза Қазақстан: Экология, геология және табиғи ресурстар министрі Мағұм Мырзағалиев барша қазақстандықтарды "Бүкіләлемдік тазалық күні" азаматтық акциясына қатысуға шақырды.
"Жыл сайын 19 қыркүйек күні бүкіл әлемде "World cleanup Day" акциясы өтеді. Миллиондаған адам қоғамдық орындарды қоқыстан тазарту үшін сенбілікке шығады. Былтыр акция 169 елдің азаматтарын біріктірді. Барлық қазақстандықтарды сенбі күні осынау ауқымды шараға белсенді қатысуға шақырамын", - деп жазды ол өз Twitter парақшасында.
Министр шараға өз ауласын, айналасындағы саябақтар мен су арналарын, тағы басқа орындарды тазалау арқылы әркім де үлес қоса алатынын атап өтті.
Айта кетейік, "World cleanup Day" акциясы 19 қыркүйек күні Қазақстанның барлық өңірінде өтеді. Еріктілер, белсенділер, қоғам өкілдері табиғи аумақтарды қоқыстан тазартып, ағаш отырғызады. Қатысушыларға қажетті жабдықтар беріледі.
Қатысамын деушілер +77017951730 арқылы хабарласуға болады.
