"Жалпы жанар-жағармай бағасы реттелмейді және жанар-жағармай бағасын талқылау кезінде 2 мәселені есте ұстау керек. Бірінші, әлемдік бренд бағасына тәуелділік. Екінші, көршілес елдерде қалыптасқан бағадан қатты айырмашылық болмауға тиіс", – деді министр.
Мағзұм Мырзағалиевтің мәлімдеуінше, дизель отынының тапшылығына көрші елдермен салыстырғандағы баға айырмашылығының тым жоғарылығы себеп болды.
"Мемлекет басшысының тапсырмасына сәйкес жүйелі өзгеріс әзірлеп жатырмыз", – деді министр.
Оның сөзінше, қабылданатын шара шеңберінде еліміздегі 3 мұнай өңдеу зауытының жоспарлы және жоспардан тыс жөндеу жұмыстарының мерзімі нақтыланады. Елде мемлекеттік материалдық қор қалыптастырылады және жанар-жағармайды бақылау қолға алынады. Бұған қоса әр мұнай базасында тиісті құрал-жабдықтың болуы қадағаланады.
"Жыл соңына дейін нақты ұсыныс енгіземіз", – деді Мағзұм Мырзағалиев.
Қанат Махамбет
