RU KZ
Махамбет Досмұхамбетов «Теңізшевройлдың» жаңа директорын қабылдады

Махамбет Досмұхамбетов «Теңізшевройлдың» жаңа директорын қабылдады

24 Қаңтар 2021 15:07 571

Махамбет Досмұхамбетов «Теңізшевройлдың» жаңа директорын қабылдады
Аймақ басшысы кәсіпорынның жаңа бас директоры Кевин Лайонды қабылдап, алдағы жұмысына сәттілік тіледі. 

«Атырау  облысының  әкімі Махамбет Досмұхамбетов «Теңізшевройл» ЖШС-нің жаңа басшысы Кевин Лайонды қабылдады» , - деп хабарлайды Атырау облыстық коммуникациялар қызметі.

«Мұнай-газ өндірісі саласында мол тәжірибеңіз бар екенін білеміз. Өзіндік тарихы бар еліміздегі маңызды кәсіпорынның одан ары дамуына үлесіңізді қосатыныңызға  сенемін», - деді облыс әкімі.

«Теңізшевройл» компаниясымен бірлесе атқарылған жобаларға тоқталған Махамбет Досмұхамбетов «Болашақ кеңею жобасының» пандемияға қарамастан уақытында аяқталады деген сенімін білдірді.

Бұдан бөлек, аймақ басшысы Махамбет Досмұхамбетов «Теңізшевройл» ЖШС-нің  бұрынғы бас директоры Имер Боннерге бірлескен жемісті жұмысы пен тығыз әріптестік үшін алғысын білдіріп, жаңа қызметіне сәттілік тіледі. 

Өз кезегінде «ТШО»-ның экс-директоры Имер Боннер облыс басшылығына алғысын білдіре отырып, кәсіпорын мен облыс басшылығы ынтымақтастығының ары қарай да жалғасын табатынына сенім білдірді.