Биыл қаңтар-тамызда елде 100,8 мың тонна макарон, кеспе, кускус және тағы басқа ұн өнімдері өндірілген, бұл өткен жылмен салыстырғанда 13,3%-ға төмен, деп хабарлайды inbusiness.kz порталы energyprom.kz-ке сілтеме жасап.
Макарон өнімдері Шымкентте ең көп шығарылған: 17,8 мың тонна, бір жылда минус 16,3%. Үздік үштікке Нұр-Сұлтан (16,7 мың тонна, бір жылда минус 19,2%) және Батыс Қазақстан облысы (15,1 мың тонна, бір жылда минус 1,3%) енді.
2020 жылы Қазақстанда 179,3 мың тонна макарон өнімдері өндірілген, өткен жылмен салыстырғанда 6,2%-ға артық.
2021 жылғы қаңтар-шілдеде отандық компаниялар макарон өнімдеріне сұранысты (ішкі нарықта өткізу плюс экспорт) 82,3% қамтамасыз еткен, өткен жылғы көрсеткіш – 84,7%.
Импорт үлесі – 17,7%. Елге 18,9 мың тонна өнім әкелінді, бұл 2020 жылмен салыстырғанда 2,2%-ға көп.
Өнімдерді ішкі нарықта сату бір жылда 20,5%-ға немесе 71,3 мың тоннаға дейін қысқарған. Сонымен қатар экспорт 11,9%-ға немесе 35 мың тоннаға дейін өскен.
Биыл тамызда макарон өнімдерінің бағасы бір айда 1,3%-ға, ал бір жылда 11,1%-ға өскен. Жылдық динамикада Атырау (22%), Қызылорда (18,4%) және Қарағанды (17,5% -ға) облыстарында аталған өнімдер айтарлықтай қымбаттаған.
Макарон өнімдерінің ішінде жылдық динамикада кеспе бағасы 12,4%-ға, спагетти 11,5%-ға, вермишель 10,9%-ға, түтік кеспе (рожки) 10,7%-ға өскен.
Қыркүйекте елдегі базарлар мен дүкендерде кеспе 782 теңгеге, вермишель 374 теңгеге, түтік кеспе (рожки) 361 теңгеге сатылған.
Дәурен Ерболат
