Франция президенті Эмманюэль Макрон Қытайға 5-7 сәуір аралығында мемлекеттік сапармен барады. Бұл туралы ҚХР СІМ ресми өкілі Хуа Чуньин хабарлады, деп жазады inbusiness.kz.
"ҚХР Төрағасы Си Цзиньпиннің шақыруымен Франция президенті Эмманюэль Макрон 5-7 сәуірде Қытайға мемлекеттік сапармен барады", — деді дипломат.
Agence France-Presse хабарлауынша, Қытайға сапары барысында Макрон ҚХР Төрағасы Си Цзиньпинмен украин дағдарысын талқылап, Бейжіңді Ресейді қолдамауға көндірмек.
"Макрон коронавирустық пандемияға байланысты ұзақ уақыт бойы жеке байланыста болмағаннан кейін қарым-қатынасты қайта қалпына келтіру процесін бастауға тырысады", — деп хабарлайды агенттік.
Макрон мен Си Цзиньпин соңғы рет Индонезиядағы G20 саммитінде кездесті, ал Франция Президентінің Бейжіңге соңғы сапары 2018 жылдың қаңтарында өтті.
