2023 жылғы 1 қарашада Қазақстан Президенті Қасым-Жомарт Тоқаевтың шақыруымен Франция Президенті Эммануэль Макронның Қазақстанға ресми сапары басталады, деп хабарлайды inbusiness.kz.
Сапар барысында екі ел басшылары сауда-экономикалық, инвестициялық және энергетикалық ынтымақтастықты нығайту бойынша келіссөздер жүргізеді, сондай-ақ халықаралық және өңірлік күн тәртібіндегі мәселелерді талқылайды.
Сондай-ақ, 2 қарашада Венгрия Премьер-Министрі Виктор Орбан Астанаға ресми сапармен келеді.
Ресми сапар аясында екі елдің сауда-экономикалық, инвестициялық және мәдени-гуманитарлық салалардағы Қазақстан-Венгрия ынтымақтастығын одан әрі кеңейту мәселелерін талқыланады деп күтілуде.
Түркия көшбасшысы Ердоғанның сапары Түркі мемлекеттері ұйымының 10-мерейтойлық саммиті аясында 3 қарашаға жоспарланған. Бұл туралы бұған дейін Мұрат Нұртілеу Түркия сыртқы істер министрі Хакан Фиданмен кездесуінде мәлімдеген болатын. Ердоған да арнайы жеделхат арқылы Тоқаевпен кездесуге ниетті екенін растады.
Шараға ТМҰ-ға мүше мемлекеттер – Әзірбайжан, Қырғызстан, Түркия, Өзбекстан басшылары қатысады.
