Париж Киевке сұраған қару-жарақтың барлығын бере алмайды. Бұл туралы сәрсенбіде "France 2" телеарнасына берген сұхбатында Франция Президенті Эммануэль Макрон мәлімдеді. Ол Киевке қару-жарақ жеткізу Францияның өзін әлсіретуі мүмкін екенін атап өтті.
"Әскери көмек бар жерде мұндай мәселенің туындайтыны рас. Сондықтан біз Украина сұранысына сай көп қару бере алмаймыз", – деп атап өтті Француз көшбасшысы.
"Украина Президенті Владимир Зеленский менен белгілі бір қару-жарақ көлемін жіберуді сұрады. Бірақ мен өзімізді әрі НАТО-ның шығыс қапталын қорғау үшін елімізді қарусыз қалдыра алмаймын", – деп түсіндірді Макрон.
Ол Франция "Украинаға өз жерінде қарсы тұруға көмектеседі. Бірақ Ресейге шабуыл жасау үшін емес" деп баса айтты.
"Біз бұл қақтығыстың қатысушысы емеспіз", – деді Макрон.
Алдағы аптада Париж Украинаның өтініші бойынша "оған әуе шабуылдарына тойтарыс беру үшін радарлар мен әуе қорғанысын жіберуді жоспарлап отыр".
