"Тыныс" АҚ Көкшетау зауыты Ресейге және ТМД елдеріне экспортталатын авиациялық өнімді ұсынады, ал "Еврокоптер Қазақстан Инжиниринг" ЖШС өзі өндіретін Н-145 тікұшағының макетін, сондай-ақ ұшу және техникалық құрамды оқытуға арналған жабдықты көрсетеді", - деп жазылған хабарламада.
Ерейментаудағы (Ақмола облысы) "811 автожөндеу зауыты" АҚ өзі шығаратын өнімнің үлгілерін ұсынады: пилотсыз ұшу аппараты негізінде жасалған әуе-мақсаттық құрылғы (тренажер) мен барлаушы-ұшқыш.
"Қазақстандық авиация индустриясы" компаниясы ұшақтарды жөндеу және оларға техникалық қызмет көрсету бойынша жүргізіліп жатқан жұмыстар туралы ақпарат береді.
"Қазақстан ASELSAN инжиниринг" ЖШС қазақ-түрік компаниясы заманауи авионикамен жабдықталған тікұшақ кабинасының макетін көрсетеді, ал еліміздегі ең ірі зауыттардың бірі "№405 авиажөндеу зауыты" АҚ құрастырылған, жөнделген және қызмет көрсетілетін тікұшақтардың макеттерін ұсынады", деп жазылған хабарламада.
Сондай-ақ көрме аясында қазақстандық тарап серіктестермен кездесулер өткізіп, ынтымақтастық туралы бірқатар келісімшарт пен меморандумға қол қоюды жоспарлап отыр.
Айта кетейік, "МАКС-2021" XV халықаралық авиациялық-ғарыш салоны 2021 жылғы 20-25 шілде аралығында Мәскеу облысы (Ресей Федерациясы) Жуковский қаласында өтеді.
Халықаралық авиция көрмесінде әуе кемелерінің, әскери жүйелер мен эксперименттік қондырғылардың Ресейден тыс жерде ұсынылмайтын үлгілері көрсетіледі.
