Мал басының барлық түрінен өсім байқалады – Гүлшара Әбдіқалықова

Мал басының барлық түрінен өсім байқалады – Гүлшара Әбдіқалықова

10 Маусым 2021 14:19 444

Мал басының барлық түрінен өсім байқалады – Гүлшара Әбдіқалықова
Агроөнеркәсіптік кешен саласында жалпы құны 58 млрд теңгеге 76 инвестициялық жобаны жүзеге асыру жоспарлануда. 

Қызылорда облысының әкімі Гүлшара Әбдіқалықова елордада өтіп жатқан халыққа есеп беру кездесуінде өңірде мал шаруашылығын дамыту мақсатында жүргізіліп жатқан жұмыстарға тоқталды, деп хабарлайды inbusiness.kz.

«Аймақта мал басының барлық түрінен өсім байқалады. Атап айтар болсақ, мүйізді ірі қара – 3,9%, қой – 8,5%, жылқы – 10,4%, түйе – 7,1%, құс – 6,1% құрады. Бұл ретте, жайылымдық жерлердің тиімділігін арттыруға айрықша басымдық берілуде», – деді Қызылорда облысының әкімі.

Сонымен қатар балық шаруашылығын дамытудың 2030 жылға дейінгі аймақтық бағдарламасы жүзеге асуда. Бұл тауарлы балық көлемін 16 мың тоннаға дейін жеткізе отырып, 100 есе көбейтуге мүмкіндік береді. Ал балық өнімдерінің экспортын 2 есе, яғни, 8,5 мың тоннаға дейін арттыру болады. 

«Алдағы 5 жылда Агроөнеркәсіптік кешен саласында жалпы құны 58 млрд теңгеге 76 инвестициялық жоба жүзеге асырылмақ. Оның ішінде 42 жоба азық-түлік қауіпсіздігін қамтамасыз етуге бағытталған. 2021 жылы 8,7 млрд теңгеге 21 жоба жүзеге асырылады. Жыл басынан бері  егін шаруашылығында 4, бал арасын өсіруде 2, мал шаруашылығында 2 жоба жолға қойылды», – деді Гүлшара Әбдіқалықова.

Құралай Құдайберген

162445

Ұқсас материалдар:

national-geographic-besinshi-muhittyn-bar-ekenin-zhariyalady

covid-19-kinoseanstar-sany-bir-zhylda-2-ese-kelushiler-sany-4-ese-azajgan

80-myn-adamga-karyz-berildi

20-mln-tonnadan-astam-dandi-zhane-dandi-burshakty-dakyl-zhinaldy

zhalpy-kuny-543-mlrd-tenge-bolatyn-41-investiciyalyk-zhoba-iske-asyrylmak

загрузка

×