Мальдив аралдары Үкіметі Израиль төлқұжаттарының иелеріне елге кіруге тыйым салатын заңға түзетулер енгізу туралы шешім қабылдады, деп жазады Inbusiness.kz Anadolu агенттігіне сілтеме жасап.
Мальдив аралдары Президентінің Кеңсесі жариялаған мәлімдемеге сәйкес, Министрлер Кеңесі Мальдив аралдарына Израиль төлқұжаттарының иелеріне кіруге тыйым салатын заңға түзетулер енгізу туралы шешім қабылдады.
Сондай-ақ, Заңның өзгеруін бақылау және қадағалау үшін кіші комитет құру жоспарлануда.
Мальдив президенті Мұхаммед Муиззу палестиналық босқындарға көмектесу және жұмыстарды ұйымдастыру үшін БҰҰ-ның Таяу Шығыс агенттігіне (БАПОР) қайырымдылық жинау науқанын бастауға және осы мәселе бойынша арнайы өкіл тағайындауға шешім қабылдады.
Муиззу сонымен қатар Палестинаны қолдау мақсатында "Палестинаны қолдайтын мальдивтіктер" атты жалпыұлттық митинг ұйымдастырмақ.
