Мали астанасы Бомака қаласында үш қабатты тұрғын үй опырылып, салдарынан 15 адам жантәсілім болды. Тағы 41 адам түрлі деңгейде жарақат алған. Барлығын мамандар қиранды астынан алып шыққан. Бұл туралы елдің қауіпсіздік және тұрғындарды қорғау министрлігі хабарлады.
Ресми дерекке сүйенсек, оқиға құрылыс жүріп жатқан ғимаратта болған. Оның төртінші қабаты опырылып, жанындағы тұрғын үйге құлаған. Құтқарушылар үйінділер арасынан 4 жастағы қызды шығарып алған.
Апаттың неден болғаны әзірге белгісіз, оқиға орнында мамандар жұмыс істеп жатыр.
Апат болған жерге бірнеше ведомствоның министрлері келіп, зардап шеккендерге қолдау көрсетті.
Бұған дейін 31 тамызда Германияның Эссен қаласында рэпердің концертінде сахнаның жартысы сөгіліп, құлаған еді. Оның салдарынан 28 адам жарақат алған болатын. Оқиғаға сұрапыл жел соққаннан жарықдиодты қабырғаның құлауы себеп болған.
Табиғат Нұрболат
