Малидің оңтүстік және ішкі аймақтарындағы шабуылдардан жеті адам қайтыс болды, деп жазады inbusiness.kz Anadolu агенттігіне сілтеме жасап.
Жергілікті дереккөздердің хабарлауынша, белгісіз бір топ қарулы адамдар Буркина-Фасо шекарасындағы Сикасо аймағындағы Херемаконо блокпостына шабуыл жасаған.
Лаңкестік топ Ганадан келген жүргізушіні, сондай-ақ полиция қызметкерін өлтірді, тағы үш адам зардап шекті.
Малидің орталық бөлігіндегі Мопти ауданында белгісіз адамдар Банкасс коммунасындағы Джан-Окоро ауылына шабуыл жасады: бес адам қаза тапты.
Буркина-Фасо, Мали және Нигер соңғы жылдары "Аль-Каида" террористік ұйымы мен ДЕАШ-пен байланысты топтардың шабуылына жиі ұшырайды.
Малиде 2013 жылдан бері орналасқан шетелдік әскери миссияларға қарамастан, террористік шабуылдар тоқтар емес.
