ҚР Премьер-Министрі Асқар Маминнің төрағалығымен өткен "Kazakh Invest" Ұлттық компаниясы" АҚ директорлар кеңесінің отырысында биылғы жылғы 11 айдағы жұмыс қорытындысы қаралды, деп хабарлайды government.kz.
Қазіргі кезде "Kazakh Invest"-тің қолдауымен жалпы көлемі $55 млрд-қа жуықты құрайтын 228 инвестициялық жоба агроөнеркәсіп, машинажасау, тау-кен металлургиясы, мұнайгаз химиясы, көлік-логистика, жаңартылатын энергетика және құрылыс индустриясы салаларында пысықталып, іске асырылуда.
Биыл 11 айда $454 млн-ға 8 жоба іске асырылды, $487 млн құрайтын 10 жоба бойынша пайдалануға беру жоспарланған, көлемі $3,4 млрд болатын 21 жоба бойынша құрылыс-монтаждау жұмыстары басталды.
Отырыста жаңа редакциясындағы штаттар саны мен ұйымдастыру құрылымы, ішкі аудит қызметінің есебі, директорлар кеңесінің 2020 жылға жұмыс жоспары бекітілді, сондай-ақ басқа да мәселелер қаралды.
