Қаржы мониторингі агенттігінің елордалық департаменті Ресей Федерациясының азаматына қатысты артефактілердің экономикалық контрабандасы фактісі бойынша тергеуді бастады, деп хабарлайды inbusiness.kz агенттік баспасөз қызметіне сілтеме жасап.
Ресей азаматы Нұр-Сұлтан қаласының халықаралық әуежайы арқылы жалпы салмағы 2 мың кг-нан асатын мамонттардың азуы мен жүнді мүйізтұмсықтардың мүйізін ҚХР-ға контрабандалық жолмен әкетуге тырысқан.
Тауарды жөнелтуші – Мәскеу қаласындағы ЖШҚ директоры. Палеонтологиялық материалдарды Қазақстан аумағына әкелу және одан әрі Қытайға жіберу мақсатында Нұр-Сұлтан қаласында ЖШС тіркеліп, директоры болып ресейлік тағайындалған.
Ұсталған азамат аса ірі көлемде экономикалық контрабанда жасады деген күдікке ілінді. 1 қазанда күдікті ұсталып, соттың санкциясымен қамауға алынды. Өзге ақпарат тергеу мүддесі үшін жария етуге жатпайды.
Мамандардың бағалауынша, артефактілер палеонтологиялық аретфактілердің ғылыми-тарихи, мәдени құндылығы бар әрі бірегей. Зерттелген қазба қалдықтарының барлық бөліктерінің құны – 173 миллион теңге.
Қолданыстағы заңнамаға сәйкес мәдени құндылықтарды Қазақстан аумағынан тыс жерлерге әкетуге тыйым салынады.
